മേപ്പാടി: കാപ്പംകൊല്ലിയിൽ തടി കയറ്റിയ ലോറി നിയന്ത്രണം വിട്ടു മറിഞ്ഞു. 19,80 ഹോട്ടലിന് സമീപം ആണ് അപകടം. അപകടത്തിൽ ആർക്കും പരിക്കില്ല. പെരുമ്പാവൂരിലേക്ക് തടി കയറ്റി പോവുകയായിരുന്ന ലോറി കാപ്പംകൊല്ലി ഇറക്കത്തിൽ എത്തിയപ്പോൾ നിയന്ത്രണം വിടുകയായിരുന്നു. ലോറിയിൽ കുടുങ്ങിക്കിടന്ന ഡ്രൈവറെയും സഹായിയെയും രക്ഷപ്പെടുത്തി.
ഇന്ന് പുലർച്ചെ ഒരു മണിയോടെയായിരുന്നു അപകടം. പുറ്റാട് നിന്നും തടി കയറ്റി പെരുമ്പാവൂരിലേക്ക് പോവുകയായിരുന്ന ലോറിയാണ് നിയന്ത്രണം വിട്ടു മറിഞ്ഞത്. നിയന്ത്രണംവിട്ട ലോറി റോഡരികിലെ ഡ്രൈനേജ് മറികടന്ന് തോട്ടത്തിലേക്ക് ഇടിച്ചു കയറി. ഇവിടെവച്ച് ലോറി മറിയുകയായിരുന്നു. അപകടത്തെ തുടർന്ന് മുൻഭാഗത്തെ രണ്ട് ടയറുകളും ഊരിത്തെറിച്ചു. ഡീസൽ ടാങ്ക് തകർന്നു. വണ്ടിയിൽ കുടുങ്ങിക്കിടന്ന നിലമ്പൂർ സ്വദേശികളായ ഡ്രൈവറെയും സഹായിയെയും രക്ഷപ്പെടുത്തി. രണ്ടുപേർക്കും കാര്യമായ പരിക്കുകൾ ഇല്ല.
