മുള്ളൻകൊല്ലി: മണ്ണിൽ ഒളിഞ്ഞിരുന്നത് സാധാരണ കപ്പയല്ല, ഒരാൾപ്പൊക്കമുള്ള ഒരു അത്ഭുതം കപ്പ. മുള്ളൻകൊല്ലി കരിമാംകുന്നേൽ ജയ്മോൻ്റെ തോട്ടത്തിലാണ് 16.5 കിലോ തൂക്കമുള്ള ഭീമൻ കപ്പ വിളഞ്ഞത്. കപ്പ വിളവെടുപ്പിനിടെ തൊഴിലാളിയായ മാധവനാണ് മണ്ണടിയിൽ ഈ കൂറ്റൻ കിഴങ്ങ് കണ്ടെത്തിയത് തന്നേക്കാൾ നീളമുള്ള കപ്പ കണ്ട് ആദ്യം ഒന്ന് അമ്പരന്നെങ്കിലും ഉടൻ തന്നെ തോട്ടമുടമ ജയ്മോനെ വിവരമറിയിച്ചു ആദ്യം വിശ്വസിക്കാതിരുന്ന ജയ്മോൻ നേരിട്ടെത്തി കപ്പ കണ്ടതോടെയാണ് തൻ്റെ തോട്ടത്തിലെ ഈ ‘അത്ഭുത വിളവെടുപ്പ്’ ഉറപ്പിച്ചത്. ഒരാൾപ്പൊക്കത്തേക്കാൾ അധികം നീളമുണ്ട് ഈ കപ്പയ്ക്ക്. 16.5 കിലോ തൂക്കമുള്ള കപ്പയുടെചിത്രം നിമിഷനേരം കൊണ്ടാണ് സോഷ്യൽ മീഡിയയിൽ വൈറലായത്.
നാട്ടുകാരും കർഷകരും ഒരുപോലെ ഈ ഭീമൻ കപ്പയെ കാണാനായി എത്തുന്നുണ്ട്. കാലാവസ്ഥയും മണ്ണും കനിഞ്ഞപ്പോൾ ജയ്മോൻ്റെ അധ്വാനത്തിന് ലഭിച്ച ഈ മധുരപ്രതിഫലം ഇപ്പോൾ മുള്ളൻകൊല്ലിയിലെ പ്രധാന സംസാരവിഷയമാണ്.
