തിരുവനന്തപുരം: സംസ്ഥാനത്ത് വേനല് മഴ ഇന്നും തുടരും, മൂന്ന് ജില്ലകളില് യെല്ലോ അലര്ട്ടാണ്.എറണാകുളം, ഇടുക്കി, വയനാട് എന്നിവിടങ്ങളില് ഇന്ന് ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് വ്യക്തമാക്കുന്നു. മെയ് 6ന് എറണാകുളം, ഇടുക്കി, തൃശൂര് ജില്ലകളിലും യെല്ലോ അലര്ട്ട് നല്കിയിട്ടുണ്ട്. മെയ് 7ന് ആലപ്പുഴ, കോട്ടയം, എറണാകുളം എന്നീ ജില്ലകളിലാണ് യെല്ലോ അലര്ട്ട്. 24 മണിക്കൂറിനുള്ളില് 64.5 മില്ലിമീറ്ററിനും 115.5 മില്ലിമീറ്ററിനും ഇടയില് മഴ പെയ്യുന്നതിനെയാണ് ശക്തമായ മഴ എന്നതുകൊണ്ട് ഉദ്ദേശിക്കുന്നത്.
