കുവൈത്ത് സിറ്റി: അബ്ബാസിയയിൽ താമസസ്ഥലത്തെ കെട്ടിടത്തിന് മുകളിൽ നിന്ന് വീണ് മലയാളി വിദ്യാർത്ഥിനി മരിച്ചു. എറണാകുളം പെരുമ്പാവൂർ സ്വദേശി ബിജുവിന്റെ മകൾ ഫേബ (14) ആണ് മരിച്ചത്.ബുധനാഴ്ച ഉച്ചയ്ക്ക് മൂന്നരയോടെയാണ് സംഭവം നടന്നത്.അബ്ബാസിയ ഹൈവേ മാർക്കറ്റിന് സമീപമുള്ള താമസസ്ഥലം. അബ്ബാസിയ യുണൈറ്റഡ് ഇന്ത്യൻ സ്കൂളിലെ ഒൻപതാം ക്ലാസ് വിദ്യാർത്ഥിനിയായിരുന്നു ഫേബ.
ലിബി ബിജുവാണ് മരിച്ച ഫേബയുടെ മാതാവ്. വീഴ്ചയെത്തുടർന്ന് ഉടൻ തന്നെ രക്ഷാപ്രവർത്തനങ്ങൾ നടത്തിയെങ്കിലും ജീവൻ രക്ഷിക്കാനായില്ല. നിലവിൽ മൃതദേഹം പ്രാദേശിക ആശുപത്രിയിൽ സൂക്ഷിച്ചിരിക്കുകയാണ്. കുവൈത്തിലെ നിയമനടപടികൾ പൂർത്തിയാക്കിയ ശേഷം മൃതദേഹം നാട്ടിലേക്ക് കൊണ്ടുപോകുമെന്ന് ബന്ധുക്കൾ അറിയിച്ചു.പെരുമ്പാവൂർ സ്വദേശിയായ ബിജുവിന്റെ കുടുംബത്തിന് ഈ അപ്രതീക്ഷിത വിയോഗം വലിയ ആഘാതമായിരിക്കുകയാണ്. സംഭവത്തിൽ പോലീസ് കൂടുതൽ അന്വേഷണം നടത്തിവരികയാണ്.
