ഓണക്കാലത്ത് സംസ്ഥാനത്തേക്ക് എത്തുന്ന ഭക്ഷ്യവസ്തുക്കളുടെ ഗുണനിലവാരവും സുരക്ഷിതത്വവും ഉറപ്പാക്കുന്നതിനായി ഭക്ഷ്യസുരക്ഷാ വകുപ്പ് അതിര്ത്തി ചെക്ക്പോസ്റ്റുകളില് 24 മണിക്കൂര് നിരീക്ഷണവും പരിശോധനയും ഏര്പ്പെടുത്തിയതായി ആരോഗ്യ ദേവസ്വം മന്ത്രി കെ.മുരളീധരന് അറിയിച്ചു.
സംസ്ഥാനത്തെ പ്രധാന പ്രവേശന കവാടങ്ങളായ ആര്യങ്കാവ്, കുമളി, വാളയാര്, മീനാക്ഷിപുരം, കാറാളി എന്നീ അഞ്ച് ചെക്ക്പോസ്റ്റുകളിലാണ് മൊബൈല് ഫുഡ് ടെസ്റ്റിംഗ് ലാബുകളുടെ സേവനം വിന്യസിച്ച് പ്രത്യേക പരിശോധനകള് നടത്തുന്നത്. ഓണക്കാലത്ത് കേരളത്തിലേക്ക് വന്തോതില് എത്തുന്ന പഴങ്ങള്, പച്ചക്കറികള്, പാല്, പാല് ഉല്പ്പന്നങ്ങള്, ഭക്ഷ്യഎണ്ണകള്, ശര്ക്കര, മറ്റ് ഭക്ഷ്യവസ്തുക്കള് എന്നിവയുടെ ഗുണനിലവാരം പരിശോധിക്കുന്നതിനാണ് ഈ പ്രത്യേക നിരീക്ഷണ സംവിധാനം ഒരുക്കിയിരിക്കുന്നത്.
